Lónsá er lítil og falleg á á Langanesi, aðeins örskotsstund frá Þórshöfn. Áin hefur lengi verið þekkt fyrir góða sjóbleikjuveiði og bæði sjóbirtingur og staðbundinn urriði hafa aukist verulega á síðustu árum. Lónsá hentar einstaklega vel fyrir þurrfluguveiði og létta straumflugu, og veiðin getur verið frábær þegar aðstæður leyfa. Stærstu bleikjurnar og sjóbirtingar byrja oft að ganga upp á mitt sumar og fiskur heldur áfram að ganga fram eftir hausti. Svæðið er lítið, tæpt og einstaklega fallegt — lítið veiðisvæði sem geymir óvænt stóran fisk í ósnortinni náttúru Langaness.

• 4 stangir, hálfan dag í senn
• Veiðitímar frá 1. maí – 20. Október:
• 7–13 og 16–22 til 14. ágúst
• 7–13 og 15–21 eftir 15. ágúst
• Eingöngu fluguveiði með flugustöng
• Sleppa skal öllum laxi
• Leyfilegt að hirða 1 fish á dag undir 45sm

Á Ytra Lóni búa Sverrir Mirjam. Þau bjóða jafnframt upp á gistingu og veitingar ásamt margvíslegri afþreyingu. Sími: 846-6448, netfang: info@ytralon.is. Heimasíða: www.ytralon.is 

Veiðimönnum ber að fara sérstaklega varlega við bakka frá 20. maí til 20. júní vegna æðarvarps. Náttúran er einstök á Langanesi og er mikið fuglalíf við ána og lónin. Þar ber mest á kríum, æðarfugli og ýmsum andategundum, ásamt gæsum og rjúpu. Yfir þessu veisluborði vakir fálkinn og stundum sést brandugla á kvöldin. Því skal gæta þess að fara varlega, sérstaklega á varptíma og einnig í og eftir sauðburð þegar lömb eru á túnum.

Skráning í veiðibók fer fram í AnglingIQ appinu.

Umgangur og akstur

Veiðimenn skulu alltaf loka öllum hliðum á eftir sér. Óheimilt er að aka utan vegslóða eða inn á tún, engjar eða viðkvæm svæði nema með skriflegu leyfi landeiganda. Allur akstur skal fara varlega, og virða þarf merkingar, gönguleiðir og búfé.

Veiðireglur og ábyrgð veiðimanns

Einungis fluga er leyfð. Öllum fiski skal sleppt varlega aftur í ána (100% catch and release). Veiðimenn bera sjálfir ábyrgð á að kynna sér veiðisvæðið, reglur og mörk svæðisins áður en veiði hefst. Notkun á ermum, netum eða öðrum ólöglegum veiðitækjum er stranglega bönnuð.

Umgengni við veiðihús og aðstöðu

Veiðihúsið og aðstaða skulu skilin eftir snyrtileg og í sama ástandi og þau voru afhent. Allt rusl skal tekið með sér eða sett í tilheyrandi ílát. Veiðimenn bera ábyrgð á skemmdum sem verða af þeirra völdum á húsi, búnaði eða landareign.

Öryggi

Veiðimenn skulu gæta öryggis við allar aðstæður og bera ábyrgð á eigin hegðun á svæðinu. Börn og unglingar mega veiða aðeins í fylgd fullorðinna. Notkun á vöðlum, vöðlaskóm og öðrum búnaði er á ábyrgð veiðimanns.

Bókanir, greiðslur og endurgreiðslur

Veiðileyfi eru ekki endurgreidd nema ef veiði fellur niður af hálfu seljanda (t.d. vegna lokunar svæðis). Veiðileyfi er bundið á tilgreindan dag og er ekki hægt að færa milli daga nema með samþykki seljanda. Veiðimenn bera ábyrgð á að mæta á réttum tíma og á rétt svæði.

Veiðibók og skráning aflans

Skylt er að skrá allan afla og allar sleppingar í rafræna veiðibók kerfisins áður en veiðidegi lýkur. Seljandi áskilur sér rétt til að loka svæðum veiðimönnum sem vanrækja skráningar.

Ábyrgð og tjón

Seljandi ber enga ábyrgð á slysum sem kunna að verða á veiðisvæðinu. Veiðimenn veiða á eigin ábyrgð og skulu tryggja að þeir séu með réttan búnað fyrir aðstæður. Ábyrgð á tjóni á bílum, búnaði eða persónulegum munum er alfarið hjá veiðimanni.

Veiðiaðstæður eru alfarið háðar veðri, vatnsstöðu, hitastigi, rennsli og öðrum þáttum sem seljandi hefur enga stjórn á. Seljandi ber því enga ábyrgð á veðri eða náttúrulegum aðstæðum, þar á meðal þegar vatn er ófært, of lágt, of hátt, eða þegar veiði reynist erfið eða ómöguleg.Kaupendur eru upplýstir um að með kaupum á veiðileyfi sé verið að kaupa aðgang að veiðisvæði, ekki tryggingu fyrir veiði, aðstæðum eða afkomu fiska. Veður, vatnsstaða og náttúrulegar aðstæður

 Endurgreiðslur og breytingar

Veiðileyfi eru ekki endurgreidd vegna óhagstæðra aðstæðna, veðurs, vatnshæðar, hitastigs, rigningar, þurrka, kulda eða annarra náttúrulegra þátta. Seljandi leitast ávallt við að vinna með veiðimönnum þegar einstakar aðstæður skapast, en slík aðstoð felur ekki í sér skyldu til endurgreiðslu, framlengingar, tilfærslu veiðidaga eða annarra úrræða.

Samþykki skilmála

Með kaupum á veiðileyfi staðfestir kaupandi að hann hafi kynnt sér og samþykkt alla skilmála og reglur sem gilda um viðkomandi veiðisvæði. Skilmálarnir eru bindandi fyrir kaupanda frá því augnabliki sem greiðsla fer fram.