Reykjadalsá er ein af helstu hliðarám Laxár í Aðaldal, rennur niður Reykjadalinn og fellur í Vestmannsvatn. Úr vatninu tengist hún áfram við Laxá í Aðaldal í gegnum Eyvindarlæk. Áin er þekkt fyrir einstaklega góða þurrfluguveiði, tært vatn og fjölbreytt veiðisvæði með öflugan staðbundinn urriða. Lax gengur einnig reglulega í ána á seinni hluta sumars, en breytingar frá 2021 fela í sér að Eyvindarlækur er seldur sérstaklega og fylgir ekki lengur Reykjadalsá. Þetta er fallegt og líflegt veiðisvæði sem hentar vel fyrir þá sem vilja tæknilega fluguveiði á smærra vatni.

Veiðitími morgunvaktar er frá kl. 7 til 13 og veiðitími kvöldvaktar er frá kl. 16 til 22 til og með 10. ágúst, en eftir það frá kl. 15 til 21. Hollum stendur einnig til boða að hafa frjálsan veiðitíma, þó aldrei lengri en 12 klukkustundir á dag.

Veiðimenn mega koma í veiðihús kl. 15:00 á komudegi til og með 10. ágúst, en eftir það frá kl. 14:00.

Tæma þarf veiðihús fyrir kl. 13:00 á brottfarardegi til og með 10. ágúst, en eftir það fyrir kl. 12:00 á brottfarardegi.

Seldar eru 4 stangir á dag, en heimilt er að veiða á allt að 6 stangir.

Eingöngu er veitt á flugu í Reykjadalsá.

Sleppa skal öllum laxi, en heimilt er að taka urriða.

4 tveggja manna herbergi með sér baði og heitum potti!

Veiðihúsið er staðsett á sumarbústaðalandi rétt sunnan við Laugar. Húsið er með fjórum tveggja manna herbergjum og öll eru þau með sér baðherbergi. Utandyra er stór pallur og heitur pottur.

Í húsinu er grill, bakarofn, helluborð, kæliskápur með smá frystiplássi, kaffivél og öll helstu nútíma eldhústæki.

Það er gólfhiti í húsinu með sér stillingu fyrir hvert herbergi.

Herbergin:

Herbergin eru rúmgóð með tveimur einbreiðum rúmum (sem hægt er að renna saman), náttborði, töskuhillu, fatahengi og stól. Inn af hverju herbergi er sér baðherbergi með góðri sturtu.

Húsreglur:

• Uppábúið og herbergjaþrif eru 60.000 kr. á hvern hóp og er gjaldið greitt við pöntun.
• Gestir bera ábyrgð á að halda sameiginlegum rýmum (eldhúsi, stofu og forstofu) snyrtilegum.
• Mikilvægt er að tæma heita pottinn eftir notkun og festa lokið.
• Gestir skulu fjarlægja allt rusl og allan mat úr húsinu við brottför. Ruslagámur er við húsið.
• Leigusali áskilur sér rétt til að innheimta aukagjald fyrir þrif ef umgengni stenst ekki kröfur.

Seldar eru stakar stangir í einn dag í senn frá hádegi til hádegis, eða í hollum þar sem margar stangir eru seldar saman.

Árleg veiði síðustu ára hefur verið á bilinu 20–70 laxar og um 1.500 urriðar.

Skráning í veiðibók fer fram í AnglingIQ appinu.

Umgangur og akstur

Veiðimenn skulu alltaf loka öllum hliðum á eftir sér. Óheimilt er að aka utan vegslóða eða inn á tún, engjar eða viðkvæm svæði nema með skriflegu leyfi landeiganda. Allur akstur skal fara varlega, og virða þarf merkingar, gönguleiðir og búfé.

Veiðireglur og ábyrgð veiðimanns

Einungis fluga er leyfð. Öllum fiski skal sleppt varlega aftur í ána (100% catch and release). Veiðimenn bera sjálfir ábyrgð á að kynna sér veiðisvæðið, reglur og mörk svæðisins áður en veiði hefst. Notkun á ermum, netum eða öðrum ólöglegum veiðitækjum er stranglega bönnuð.

Umgengni við veiðihús og aðstöðu

Veiðihúsið og aðstaða skulu skilin eftir snyrtileg og í sama ástandi og þau voru afhent. Allt rusl skal tekið með sér eða sett í tilheyrandi ílát. Veiðimenn bera ábyrgð á skemmdum sem verða af þeirra völdum á húsi, búnaði eða landareign.

Öryggi

Veiðimenn skulu gæta öryggis við allar aðstæður og bera ábyrgð á eigin hegðun á svæðinu. Börn og unglingar mega veiða aðeins í fylgd fullorðinna. Notkun á vöðlum, vöðlaskóm og öðrum búnaði er á ábyrgð veiðimanns.

Bókanir, greiðslur og endurgreiðslur

Veiðileyfi eru ekki endurgreidd nema ef veiði fellur niður af hálfu seljanda (t.d. vegna lokunar svæðis). Veiðileyfi er bundið á tilgreindan dag og er ekki hægt að færa milli daga nema með samþykki seljanda. Veiðimenn bera ábyrgð á að mæta á réttum tíma og á rétt svæði.

Veiðibók og skráning aflans

Skylt er að skrá allan afla og allar sleppingar í rafræna veiðibók kerfisins áður en veiðidegi lýkur. Seljandi áskilur sér rétt til að loka svæðum veiðimönnum sem vanrækja skráningar.

Ábyrgð og tjón

Seljandi ber enga ábyrgð á slysum sem kunna að verða á veiðisvæðinu. Veiðimenn veiða á eigin ábyrgð og skulu tryggja að þeir séu með réttan búnað fyrir aðstæður. Ábyrgð á tjóni á bílum, búnaði eða persónulegum munum er alfarið hjá veiðimanni.

Veiðiaðstæður eru alfarið háðar veðri, vatnsstöðu, hitastigi, rennsli og öðrum þáttum sem seljandi hefur enga stjórn á. Seljandi ber því enga ábyrgð á veðri eða náttúrulegum aðstæðum, þar á meðal þegar vatn er ófært, of lágt, of hátt, eða þegar veiði reynist erfið eða ómöguleg.Kaupendur eru upplýstir um að með kaupum á veiðileyfi sé verið að kaupa aðgang að veiðisvæði, ekki tryggingu fyrir veiði, aðstæðum eða afkomu fiska. Veður, vatnsstaða og náttúrulegar aðstæður

 Endurgreiðslur og breytingar

Veiðileyfi eru ekki endurgreidd vegna óhagstæðra aðstæðna, veðurs, vatnshæðar, hitastigs, rigningar, þurrka, kulda eða annarra náttúrulegra þátta. Seljandi leitast ávallt við að vinna með veiðimönnum þegar einstakar aðstæður skapast, en slík aðstoð felur ekki í sér skyldu til endurgreiðslu, framlengingar, tilfærslu veiðidaga eða annarra úrræða.

Samþykki skilmála

Með kaupum á veiðileyfi staðfestir kaupandi að hann hafi kynnt sér og samþykkt alla skilmála og reglur sem gilda um viðkomandi veiðisvæði. Skilmálarnir eru bindandi fyrir kaupanda frá því augnabliki sem greiðsla fer fram.